Saturday 12 October 2013

അയ്യപ്പനെ വായിച്ചവര്‍ക്ക് മാത്രം



നേരം കെട്ട നേരത്ത്
മുറ്റത്തൊരു അമ്പ്‌ വന്നു വീണു
മുന വിറക്കുന്നൊരമ്പ്

മുതുകില്‍ ചോര ചിന്തി
ബുദ്ധന്‍റെ കണ്ണ് പോയ ആട്ടിന്‍കുട്ടി

നിഴല്‍ വീഴ്ത്താതൊരു മെലിഞ്ഞ രൂപം
നിരപ്പുകളില്‍ ആഴങ്ങളളന്നു നില്‍ക്കുന്നു
വള്ളിപൊട്ടിത്തുലഞ്ഞ ചെരുപ്പ്
കാലുകളില്‍ കലഹിക്കുന്നു

ഹൃദയത്തില്‍
ആചാരവെടിയുടെ തുളകള്‍
നെഞ്ചില്‍
സര്‍ക്കാര്‍ റീത്തിന്‍റെ വ്രണങ്ങള്‍

ജലവും മൂത്രവും
ഒരു പോലെ കണ്ട കണ്‍കളില്‍
പുരസ്ക്കാരനിന്ദകളുടെ പീളക്കെട്ടു

കുപ്പായക്കൈക്കീശയില്‍ നിന്ന്‍
കറുത്തൊരു പൂവ് നീട്ടുന്നു
-ഇതെന്‍റെ ശവപ്പെട്ടി
ചുമക്കാനുള്ള പാസ് 

5 comments:

  1. അയ്യപ്പന്‍ പോലൊരു അയ്യപ്പന്‍

    ReplyDelete
  2. ഹൃദയത്തില്‍
    ആചാരവെടിയുടെ തുളകള്‍
    നെഞ്ചില്‍
    സര്‍ക്കാര്‍ റീത്തിന്‍റെ വ്രണങ്ങള്‍

    നല്ല വരികൾ :). കവിതയും.



    ശുഭാശംസകൾ.....

    ReplyDelete
    Replies
    1. അജിത്തിനും സൌഗന്ധികത്തിനും നന്ദി. വായനക്ക്,കമെന്റിന്.

      Delete
  3. കവിത നന്നായി മാഷേ

    ReplyDelete