രണ്ടു ചെറുകവിതകള്‍

ആരാകണം ?

കുഞ്ഞേ നിനക്കാരാകണം?
വലിയൊരു ആളാകണം .
വലുതാകുമ്പോള്‍ ആരാകണം?
ചെറിയൊരു കുട്ടിയാകണം.

മഴക്കുഴമ്പ്‌ 

വലയിട്ടു പിടിച്ച മഴത്തുള്ളികളെ

വെയിലത്തിട്ടുണക്കിയെടുക്കണം.

കമ്മുണിസ്റ്റ്‌ പച്ചിലച്ചാറില്‍

കുഴമ്പാക്കിയുരുട്ടിയെടുക്കണം.

കമ്പൂട്ടര്‍ വാര്‍ഡില്‍ പനിച്ചു കിടക്കും

കുഞ്ഞുണ്ണികളുടെ തലയില്‍ തേക്കണം.

പനി പിടിക്കാതെ മഴ നനയട്ടെ

പുത്തനുണ്ണികളങ്ങനെ.